रंगखबर, काठमाडौँ: हरर कमेडी फिल्म ‘फिरफिरे फिरिरी’को टाईटल गीत रिलिज भएको छ। फिल्मका मुख्य पात्रहरु मनोज कुमार अधिकारी, सन्दीप श्रेष्ठ, भावना उप्रेती लगायत फिचर्ड गीतमा भरत अधिकारी, प्रशान्त सिवाकोटी, टिकाराम श्रेष्ठ र रोषा फुयाँलको आवाज सुन्न सकिन्छ। गीतमा प्रशान्त सिवाकोटीको शब्द, सङ्गीत रहेको छ।
कार्तिक २२ गतेबाट देशभर प्रदर्शन हुने फिल्म बिन्दबासिनी क्रियसनको ब्यानरमा निर्माण भएको हो। फिल्मलाई पुराना निर्माता मनोज कुमार अधिकारीले निर्माण गरेका हुन् ।
नबिन भट्टले निर्देशन गरेको फिल्ममा सन्दीप श्रेष्ठ र नवीन भट्टको लेखन, जितु तामाङको छायाङ्कन, रोशन दास, प्रकाश दाहाल र अग्नि सुवेदीको सहायक निर्देशन, केशव राज भट्टको कोरियोग्राफी, प्रशान्त सिवाकोटीको सङ्गीत, अनन्त घिमिरेको सम्पादन रहेको छ।
फिल्मलाई आर.आर फिल्मसले वितरण गर्दैछ ।