३० प्रतिस्पर्धीलाई उछिनेर ‘कृ’मा छनोट भईन यी हिरोइन

रंग खबर,काठमाडौँ | युवास्टार अनमोल केसी मुख्य भूमिकामा रहने ‘कृ’को लागि लिड हिरोइन फाइनल भएकी छिन । झापा घर भै अहिले काठमाडौँमा बस्दै आइरहेकी अदिती बुढाथोकी अनमोलको अपोजिट रहनेछिन । यो संगै अनमोल केसीले आफ्नो पाँचौ फिल्म सम्म आइपुग्दा पाँचौ हिरोइनका रुपमा अदितीलाई पाएका हुन्  । यी सुन्दरी इन्स्ट्राग्राम सेलेब्रेटी हुन् । अदितीलाई इन्स्ट्राग्राममा फ्लो गर्नेको संख्या १ लाख माथि रहेको छ ।

स्रोतका अनुसार फिल्म युनिटले गरेको अडिसनमा ३० युवतीहरुलाई उछिन्दै अदिती ‘कृ’को लागि छनोट भएकी हुन् । सुवास इन्टरटेन्मेन्ट र  द सुपर काजोल फिल्मस् को ब्यानरमा बन्ने ‘कृ’लाई  सुवास गिरी र भूवन केसीले निर्माण गर्नेछन। कमल गिरी कार्यकारी निर्माता रहनेछन् भने निर्देशनमा सुरेन्द्र पौडेल रहनेछन् । ‘कृ’ माघबाट फ्लोरमा उत्रिने छ ।