रंग खबर, काठमाण्डौँ, पौष ०३– पूर्व मिस नेपाल तथा अभिनेत्री माल्भिका सुब्बा NYX ब्राण्डको ब्राण्ड एम्बेसडर बनेकी छिन् । विभिन्न कस्मेटिक सामानहरु उत्पादन गर्दै आइरहेको यस ब्राण्डका सामग्री आजबाट नेपालमा पाइने भएको हो ।
क्लोथिङ्ग व्यवसायको सफलतापछि एक्सप्रेस नेपालले आधिकारिक रुपमा यस ब्राण्डका सामग्रीहरु नेपाल भित्राएको हो । जसको जानकारी आज राजधानीमा एक कार्यक्रमको आयोजना गरी दिइयो । कार्यक्रममा यस ब्राण्डकी एम्बेसडर सुब्बाले भारतबाट ठेलामा हालेर नेपालमा कस्मेटिक सामानहरु भित्रिरहेको यो अवस्थामा यस्तो ब्राण्डको प्रवेश हुन आफैमा सुखद पक्ष रहेको बताइन् । ‘म पनि यो ब्राण्डको एउटा हिस्सा बन्न पाउँदा खुशी लागेको छ’, उनले भनिन् – ‘अब म यस ब्राण्डका कस्मेटिक सामानको बजार प्रवद्धनका लागी दिइएको जिम्मेवारी कर्तव्यनिष्ठ भएर पुरा गर्ने छु ।’
सस्तो, स्तरिय, विश्वव्यापी तथा बहुउपयोगी ब्राण्डका रुपमा परिचित NYX कस्मेटिकका Concealers, lipsticks, glosses, eyeshadows लगायत थुप्रै उत्पादन बजारमा उपलब्ध छन् । हाल राजधानीको दरबारमार्गस्थित राईजिङ मलमा यो ब्राण्डको सामग्रीहरुको खुद्रा विक्री शुरु भएको छ ।
