रंगखबर, काठमाडौँ: रकिङ स्टार यशको जन्मदिनको अवसर पारेर फिल्म ‘टक्सिक’को टिजर रिलिज गरिएको छ। निर्माण टिमले यशलाई जन्मदिनको उपहार दिदै बुधबार फिल्मको ५९ सेकेन्ड लामो टिजर रिलिज गरेको हो।
टिजरमा सेतो सुटमा सजिएका यश ‘पाराइसो’ नामक क्लबमा युवतीसँग रोमान्स गर्दै गरेको देख्न सकिन्छ।
गीतु मोहनदासले निर्देशन गरेको फिल्मलाई केभीएन प्रोडक्सन र मोन्स्टर माइन्ड क्रिएसनले संयुक्त रूपमा निर्माण गरेका हुन् ।
रिलिज डेट फिक्स भईनसकेको फिल्ममा यशको दिदिको भूमिकामा अभिनेत्री करिना कपूर खानलाई अफर गरिएको थियो तर निर्माण टिमसँग कुरा नमिलेपछि करिनालाई नयनताराले रिप्लेस गरेकी छन। यसका अलावा फिल्मका अरु कलाकारबारे थप जानकारी सार्वजनिक गरिएको छैन ।