गत १२ जुलाईमा कोरोना संक्रमित भएका अभिनेत्री ऐश्वर्या राय बच्चन र छोरी आराध्या बच्चन अस्पतालबाट डिस्चार्ज भएका छन् । १५ दिनको उपचारपछि उनिहरु कोरोना मुक्त भएका हुन् ।
पत्नी र छोरी कोरोना मुक्त भएपछी अभिनेता अभिषेक बच्चनले ट्वीटर मार्फत आफ्ना शुभचिन्तकहरुलाई प्रार्थनाको लागि धन्यवाद दिएका छन् । उनि लेख्छन ‘तपाईहरु सबैलाई लगातार गर्नु भएको प्रार्थना र शुभकामनाको लागि धन्यवाद । ऐश्वर्या र आराध्या कोरोना नेगेटिभ भईसकेका छन् र अस्पतालले डिस्चार्ज गरिदिएको छ । अब उनिहरु घरमै रहनेछन । बुबा र म भने अस्पताल स्टाफको निगरानीमा रहनेछौँ ।’
Thank you all for your continued prayers and good wishes. Indebted forever. ??
Aishwarya and Aaradhya have thankfully tested negative and have been discharged from the hospital. They will now be at home. My father and I remain in hospital under the care of the medical staff.— Abhishek Bachchan (@juniorbachchan) July 27, 2020
कोरोना संक्रमण भएपछि ऐश्वर्या र आराध्यालाई पाँच दिनसम्म होम क्वारेन्टाइन मै राखिएको थियो । त्यसपछि दुवैलाई अभिनेता अमिताभ बच्चन र अभिषेकलाई उपचार गरिरहेको नानावटी अस्पतालमा भर्ना गरिएको थियो ।
११ जुलाईमा अमिताभ र अभिषेकलाई कोरोना संक्रमण पुष्टि भएको थियो । अहिले दुवैको उपचार चलिरहेको छ ।