रंगखबर, काठमाडौँ: युवापुस्तामाझ चर्चित गायक सुशान्त केसीले पार्श्व गायनमा कदम चालेका छन्। उनले सौरभ चौधरीद्वारा निर्देशित फिल्म ‘कर्मा’बाट पार्श्व गायनमा डेब्यु गरेका हुन्। गायकले उक्त फिल्मको लागि स्वर दिई सकेको र भिडियो पनि छायांकन भई सकेको निर्माण टिमले जाकारी दिएको छ।
सुशान्त आफैले शब्द संगीत भरेको गीत आम दर्शकमाझ प्रतिक्षित बनिरहेको छ। हुनत, सुशान्तलाई यस अघि धेरै निर्माता निर्देशकले पार्श्व गायनको लागि अफर नगरेका भने हैनन् तर हम्मेसी अरुका लागि गीत रेकर्ड नगर्ने उनि कर्माका लागि भने स्वर दिन तयार भएका हुन्। उनले गीतको भिडियोमा आफ्नो लिप्सिङ पनि गरेको निर्माण टिमको भनाई रहेको छ।
चैत्र २२ गतेबाट अलनेपाल रिलिज हुने फिल्ममा विपिन कार्की, उपासना सिंह ठकुरी, मुकुन भुसाल, दिब्यदेब, सरिता गिरी, बिश्वास बस्नेत (बेन), सुज्यान सिलवाल, अनिल बुढाथोकी, निर्मल शर्मालागायतको अभिनय रहेको छ ।
निर्देशक स्वयंकै कथा रहेको फिल्ममा सञ्जय लामाको छायाकंन, भाष्कर स्वाँरको संगीत निर्देशन, कविराज गहतराजको कोरियोग्राफी छ भने, श्री श्रेष्ठको द्वन्द्व निर्देशन र निमेष श्रेष्ठको सम्पादन छ ।
तारानाथ न्यौपाने मुख्य सहायक निर्देशक रहेको फिल्ममा समीर मियाको भिएफएक्स, उत्तम न्यौपानेको व्याकग्राउण्ड स्कोर छ । विजय बश्यालको पब्लिसिटी डिजाइन र राजेन्द्र मोक्तान कलरिस्ट रहेका छन् ।
आर्टिस्टिक इनटरटेनमेन्टको प्रस्तुतिमा बनेको फिल्मको ओभरसिज राइट्स सेभेन सिज सिनेमाले लिएको छ ।