रंगखबर, काठमाडौँ: कृषा कृषा चौलागाँई निर्देशित फिल्म ‘पिताम्बर’को टिजरले दर्शकको ध्यान तानिरहेको छ। हिजो सोमबार सार्वजनिक गरिएको टिजरलाई दर्शकको उत्साहजनक साथ मिलिरहेको छ। यो समाचार तयार पर्दा सम्म फिल्मको टिजरलाई करिब ३ लाख पटक हेरी सकिएको छ।
फिल्म टिजरलाई प्रतिक्रिया पनि उस्तै राम्रो आईरहेको छ। एक युटुव प्रयोगकर्ता लेख्छन ‘केटाहरूको ग्रुपनै लिएर जाने हो यो फिल्म हेर्न लव यु मल्टिट्यालेन्टेड प्रदीप खड्का।’ त्यसै गरि अर्का प्रयोगकर्ता लेख्छन ‘हाम्रो नेपाली फिल्म जगतको सुपरस्टारहरूलाई एकैसाथ देख्न पाउँदा खुसी लागेको छ। ‘ त्यस्तै ‘भयङ्कर छ टिजर, दया सौगात , प्रदिप लगायत अन्य कलाकारले निक्कै नै मेहेनत गरेको देखिन्छ , सफलताको लागि शुभकामना। ‘ भन्दै अर्का प्रयोगकर्ताले टिजरको तारिफ गरेका छन। यस्तै यस्तै प्रतिक्रियाहरुले भरिएको छ अहिले पिताम्बरको टिजरको कमेन्ट बक्स।
नयाँवर्ष २०८२ को छेको पारेर आगामी चैत २९ गतेबाट रिलिज हुने फिल्मको टिजर कलाकार दिव्य देवले महाभारतको उद्धरण ‘यदा यदा ही धर्मस्य’बाट वाचन गरेपछि सुरु भएको छ भने कलाकारहरु प्रदीप खड्का, अनुपविक्रम शाही, दयाहाङ राई, सौगात मल्ल, सुरक्षा पन्त, सुपुष्पा भट्ट, दिव्या रायमाझी, रविन्द्र झा अँटाएका छन् ।
टिजरमा प्रदीप र सौगातको एक्सनलाई विशेष स्थान दिइएको छ । टिजरमा कलाकार रविन्द्रले ‘कथामा बहुत ट्वीस्ट भयो, दुई वटा पिताम्बरको एउटै कथा छ’ भनी बोलेको संवादले फिल्ममा दुई पिताम्बर हुन् कि भन्ने छनक दिन्छ ।
फिल्ममा फिल्ममा प्रदीप खड्का, दयाहाङ राई, सौगात मल्ल, आर्यन सिग्देल, अनुपविक्रम शाही, सुरक्षा पन्त, गौरी मल्ल, रविन्द्र झा, प्रमोद अग्रहरि, कामेश्वर चौरासिया, टिका पहाडी, सुलभ पहाडी, सुरवीर पण्डित, विशाल पहाडी, दिव्यदेव पन्त, सुपुष्पा भट्ट, दिव्या रायमाझी, गौरव विष्ट, आशिष पुरुष, ललित विष्ट, किशोर भट्ट, विनोदकुमार पौडेल, नारायण काफ्ले र रविन्द्र भट्टराईको अभिनय छ ।
विशाल चौलागाईं निर्माता रहेको फिल्ममा पुरुषोत्तम प्रधान, आध्य लामिछाने र आरोह चौलागाईं सह–निर्माता, सुमन गौतम कार्यकारी निर्माता, प्रदीप भारद्वाज र अभिमन्यु निरवीको पटकथा र संवाद, पुरुषोत्तम प्रधानको डीओपी, शेरबहादुर लामा र मानकृष्ण महर्जनको छायांकन, बन्दे प्रसादको सम्पादन, आशीष अविरल र बाबुल गिरीको संगीत, हिमाल केसीको द्वन्द्व छ । फिल्म आरआर फिल्मस्ले वितरण गर्दैछ ।