रंगखबर, काठमाडौँ – गायक स्वरुपराज आचार्यको स्वरमा नयाँ गीत ‘खोजि हिँडे’ सार्वजनिक भएको छ ।
‘अनुनय’ एल्बममा समावेश गीतमा डा. भामा देवकोटा शर्माको शब्द रचना र विष्णु तामाङको संगीत छ ।
पछिल्लो समय नेपालमा बढिरहेको बलात्कारको घटनालाई गीतले भिडियोमा उनेको छ । बलात्कारीहरु हामीहरु कै वरिपरि रहेपनि पहिचान गर्न नसकेको संदेश गीतको भिडियोले दिएको छ ।
बसन्त सापकोटाले निर्देशन गरेको म्युजिक भिडियोमा डा. प्रमोद शर्मा, अमृता श्रेष्ठ र खेमनाथ खनालले अभिनय गरेका छन् ।
दीपक कुमार शर्मा र अम्बिका शर्माले निर्माण गरेको म्युजिक भिडियोमा दिनेश पराजुलीको छायांकन र उत्तर राना मगरको सम्पादन छ ।