रंगखबर, काठमाडौँ – संचारकर्मी तथा कलाकार शिशिर भण्डारीलाई ‘फोटो फिरिममा’ गीतले दर्शक माँझ अर्को परिचय थपिदियो ।
यस वियोगान्त गीतबाट उनि संगीतकारको रुपमा पनि अगाडी बढे । रचना रिमालको आवाजमा ‘फोटो फिरिममा’ले लोकप्रियता कमाएपछि उनले प्रताप दासलाई लिएर यसको मेल भर्सन बजारमा ल्याए ।
मेल भर्सनको सफलतापश्चात उनले चाइल्ड भर्सनमा ‘फोटो फिरिममा’ सार्वजनिक गरेका छन् ।
शिशिर कै शब्द र संगीत रहेको गीतमा ‘द भ्वाइस किड्स – नेपाल’का प्रतिस्पर्धी सुप्रिम मल्ल ठकुरीले आवाज दिएका छन् । उनको सुरिलो स्वरले गीतलाई न्याय गरेको छ ।
अघिल्ला भर्सनको म्युजिक भिडियोमा पुरुष र महिला बीचको प्रेम र विछोड देखाइएको थियो । यसपटक भने आमा-बाबु सन्तानप्रति उत्तरदायी नहुँदा बच्चाले झेल्नु परेको दु:ख. र भावनाको नातालाई मर्मस्पर्सि ढंगले भिडियोमा उतारिएको छ ।
शिशिर कै निर्देशन र कथा रहेको भिडियोमा शिशिरसँगै अशिम भण्डारी, आश्मा गिरी, राइनेक्स बस्नेत, दीपेन्द्र सोनम र श्रद्धा गौतमले अभिनय गरेका छन् ।
ज्ञानेन्द्र शर्मा हुमागाईंले खिचेको म्युजिक भिडियोमा दिन्सोन शाहको सम्पादन छ ।
गीतले सार्वजनिक भएको दुई दिन मै ७ लाख बढी भ्युज पाइसकेको छ । साथै, यो गीत नेपाल युट्युब ट्रेन्डिङको तेस्रो नम्बरमा उक्लिएको छ ।
