रंगखबर, काठमाडौं – गायक सुगम पोखरेलको नयाँ गीत ‘तिम्रो लागि’ सार्वजनिक गरिएको छ । मनिष वशिष्ठको शब्द रचनामा गायक पोखरेलले सुमधुर आवाजमा गीत गाएका छन् ।
अमेरिकामा बस्ने गर्ने गीतकार वशिष्ठको शब्दमा संगीतकार कल्याण सिंहले संगीत भरेका छन् । गीतमा रिदम कँडेलको संगीत संयोजन र प्रदीप जोशीको साउण्ड डिजाइन रहेको छ ।
गीतको भिडियो निर्देशन गम्भीर विष्टले गरेका हुन् । आफ्नै कन्सेप्टमा उनले मोडल गीता ढुंगानासँग जोडी बाँधेका छन् ।
नवराज उप्रेतीले खिचेको म्युजिक भिडियोमा सुबोल थापाको कोरियोग्राफी/सहनिर्देशन र नबिन निरौलाको सम्पादन छ ।
यो म्युजिक भिडियो एमबि क्रिएसनको अफिसियल युट्युब च्यानलबाट रिलिज गरिएको हो ।